Վճռաբեկ դատարանն Արա Մխիթարյանի մահվան փաստը հիմք ընդունելով` բեկանել է Հարություն Գրիգորյանի նկատմամբ կայացված դատական ակտը և գործն ուղարկել է նոր քննության

Փոխգնդապետ Արա Մխիթարյանի գործով մեղադրյալ Հարություն Գրիգորյանի պաշտպան Լևոն Սահակյանը գրում է.  «Վճռաբեկ դատարանն աննախադեպ(ային) ապօրինի որոշմամբ Արա Մխիթարյանի մահվան փաստը, որպես նոր ի հայտ եկած հանգամանք հիմք ընդունելով` բեկանել է Հարություն Գրիգորյանի նկատմամբ կայացված դատական ակտը և գործն ուղարկել է նոր քննության։

Որոշումն ապօրինի է, քանի որ դատախազի բացառիկ վերանայման բողոքը ներկայացվել է օրենքով սահմանված ժամկետի խախտմամբ և այն նույնիսկ վարույթ պետք է չընդունվեր։

Այսպես` ՀՀ քրեական դատավարության օրենսգրքի 404-րդ հոդվածի 1 ին մասի համաձայն` բացառիկ վերանայման բողոք կարող է ներկայացվել այն պահից, երբ բողոք բերելու իրավունք ունեցող անձն իմացել է կամ կարող էր իմանալ համապատասխան հանգամանքների առաջացման կամ հայտնաբերման մասին:

Բացառիկ վերանայման բողոքը ՀՀ գլխավոր դատախազի տեղակալը ներկայացրել է 2024թ օգոստոսի 5-ին։

Արա Մխիթարյանը մահացել է 2023 թ հուլիսի 27-ին (բողոք ներկայացնելուց ավելի քան մեկ տարի առաջ)։

Դիակի դատաբժշկական փորձաքննության եզրակացությունը պատրաստ է եղել 2023թ նոյեմբերի 23-ից (բողոքը ներկայացնելուց շուրջ 8 ամիս առաջ)։

Վերոգրյալի մասին մենք մանրամասն նշել ենք Վճռաբեկ բողոքի պատասխանում, սակայն այն ընդհանրապես չի քննարկվել։

Հարություն Գրիգորյանի գործով երկրորդ գանգատն է պատրաստվում Եվրոպական դատարան, այս անգամ նաև  «Կրկին անգամ չդատվելու» կոնվենցիոն իրավունքի խախտման հիմքով»։

Տեսանյութեր

Լրահոս