Ալիևն ընդունել է Վալենտինա Մատվիենկոյի գլխավորած պատվիրակությանը
Ադրբեջանի նախագահ Իլհամ Ալիևը մարտի 17-ին ընդունել է Ռուսաստանի Դաշնության Դաշնային ժողովի պատվիրակությանը։ Այս մասին հայտնում են ադրբեջանական ԶԼՄ֊ները։
Ռուսաստանի Դաշնության պատվիրակությունը գլխավորել է Դաշնային ժողովի դաշնության խորհրդի նախագահ Վալենտինա Մատվիենկոն։ Նշվում է, որ երկարատև զրույցի ընթացքում քննարկվել է երկկողմ օրակարգի հարցերի լայն շրջանակ։
Անդրադարձ է կատարվել առևտրատնտեսական, մշակութային փոխգործակցության ընդլայնման թեմաներին։ Զրուցակիցները քննարկել են նաև միջազգային ներկա իրավիճակը։
