Պետքարտուղարությունը դադարեցնում է ԱՄՆ աջակցությունը Ուկրաինայի էներգահամակարգի վերականգնման համար
Պետքարտուղարությունն այս շաբաթ դադարեցրել է ԱՄՆ Միջազգային զարգացման գործակալության (USAID) նախաձեռնությունը, որը հարյուր միլիոնավոր դոլարներ էր ներդրել ռուսական ռազմական հարձակումներից հետո Ուկրաինայի էներգահամակարգի վերականգնման համար, NBC News-ին հայտնել են USAID-ի երկու պաշտոնյաներ, ովքեր աշխատել են Ուկրաինայում գործակալության առաքելության վրա:
«Սա շոշափելիորեն խաթարում է հրադադարի շուրջ բանակցելու այս վարչակազմի կարողությունը և Ռուսաստանին ազդարարում է, որ մենք թքած ունենք Ուկրաինայի կամ մեր անցյալ ներդրումների վրա», – հայտարարել է Ուկրաինա առաքելությանը մասնակցած USAID-ի աշխատակիցը:
Պաշտոնյան շարունակել է. «Ռուսաստանը փորձում է ջախջախել տնտեսությունը, և USAID-ը կենտրոնական դեր է խաղացել նրա ճկունության մեջ, [ներառյալ] էներգացանցերի ամրապնդումը… Մենք հսկայական աջակցություն ենք ցուցաբերել Ուկրաինայի կառավարությանը՝ մակրոտնտեսական ճգնաժամից խուսափելու համար»:
Ի հավելումն Ուկրաինայի էներգետիկ անվտանգության ծրագրի դադարեցմանը, USAID-ը միաժամանակ կտրուկ կրճատում է իր ներկայությունը Ուկրաինայում:
Երկու պաշտոնյաներն էլ զգուշացրել են, որ USAID-ի դուրս գալն Ուկրաինայից խոցելի կթողնի նրա էներգահամակարգը ձմռան թեժ պահին, քանի որ այն բախվում է ռուսական նոր հրթիռային հարձակումներին:
