Ռուբենին ու մնացյալ գերեվարված հայերին հետ բերելու մեկ ճանապարհ կա. Հովհաննես Ավետիսյան
Պետական կառավարման մասնագետ Հովհաննես Ավետիսյանը ֆեյսբուքյան իր էջում գրում է․
«Ռուբենին ու մնացյալ գերեվարված հայերին Ադրբեջանից հետ բերելու ընդամենը մեկ ճանապարհ կա: Եվ այդ ճանապարհի առաջին քայլը այս իշխանությանը հեռացնելն է, երկրորդը՝ ազգային շահեր սպասարկող իշխանություն բերելը:
Իսկ երրորդ և մնացյալ քայլերը, որպես այդ ճանապարհը իմացող և դրա ռեսուրսներին (ինտելեկտուալ առումով) տիրապետող մարդ, ճիշտ չեմ համարում հանրային գրել:
Մնացյալ դեպքերում գերիները հետ կգան, եթե որևէ գերտերություն անձնական շահերից ելնելով (Հայաստանում շահեր սպասարկելու իմաստով), որոշի նրանց հանել այնտեղից:
Այլ տարբերակներ չկան: Կներեք, որ հուսախաբ եմ անում, ինչքան կուզեք գրեք կամ փողոց ելեք, ձեզ չեն լսելու»:
