Զելենսկին կարող է գալ ԱՄՆ՝ հազվագյուտ հանքանյութերի վերաբերյալ համաձայնագիր ստորագրելու համար. Թրամփ
Նախագահ Դոնալդ Թրամփն ասել է, որ Ուկրաինայի նախագահ Վլադիմիր Զելենսկին «կարող է գալ» Վաշինգտոն այս կամ հաջորդ շաբաթ, քանի որ երկու երկրները «շատ մոտ են» հազվագյուտ հանքանյութերի վերաբերյալ համաձայնության գալուն։
«Ես հանդիպելու եմ նախագահ Զելենսկու հետ. Իրականում, նա կարող է գալ այս կամ հաջորդ շաբաթ՝ համաձայնագիրը ստորագրելու և… ինչ լավ կլիներ, ես կցանկանայի հանդիպել նրա հետ: Մենք կհանդիպենք Օվալաձեւ գրասենյակում»,-ասել է Թրամփը` հավելելով, որ շատ մոտ են վերջնական գործարքին։
