Զելենսկին հնարավոր է համարել մասնակցել Ռուսաստանի հետ բանակցություններին, բայց մեկ պայմանով
Ռուսաստանի հետ Ուկրաինայի բանակցությունները հնարավոր են։ Սակայն կարևոր է արևմտյան գործընկերներից անվտանգության երաշխիքների տրամադրումը, հայտարարել է Ուկրաինայի նախագահ Վլադիմիր Զելենսկին բրիտանական ITV News հեռուստաընկերությանը տված հարցազրույցում, հաղորդում է РБК-Украина-ն։
Զելենսկին հայտարարել է, որ պատրաստ կլիներ Ռուսաստանի հետ բանակցությունների ցանկացած ձևաչափով, եթե հստակ ըմբռնում ստանա, որ ԱՄՆ-ն և Եվրոպան չեն հրաժարվի Ուկրաինայից։
«Եթե ես հասկանամ, որ Ամերիկան և Եվրոպան մեզ չեն լքի, և կաջակցեն և անվտանգության երաշխիքներ կտան մեզ, ապա ես պատրաստ կլինեմ ցանկացած ձևաչափով բանակցությունների»,- ասել է Ուկրաինայի նախագահը։
