ԵՄ ընդլայնման հարցերով տնօրինությունը կաջակցի Հայաստանին, Ադրբեջանին և Բելառուսին
2025 թվականի փետրվարի 1-ից Եվրահանձնաժողովում գործում է ընդլայնման և Արևելյան հարևանության հարցերով գլխավոր տնօրինությունը, որը պատասխանատու է թեկնածու երկրների և Եվրամիությանն անդամակցելու պոտենցիալ հավակնորդ երկրների հետ անդամակցության բանակցությունների համար:
Եվրահանձնաժողովից հայտնում են, որ գլխավոր տնօրինությունը կզբաղվի գործընկեր երկրներին, այդ թվում՝ ԵՄ Արևելյան հարևանության երկրներ Հայաստանին, Ադրբեջանին և Բելառուսին տրամադրվող ԵՄ ֆինանսական և տեխնիկական աջակցության ծավալների ընդլայնմամբ։
Գլխավոր տնօրինության ստեղծման մասին հայտարարել է Եվրահանձնաժողովի նախագահ Ուրսուլա ֆոն դեր Լայենը 2024 թվականի սեպտեմբերին՝ հանձնակատարների կոլեգիայի շնորհանդեսի ժամանակ: Հանձնաժողովի պաշտոնական որոշումն ընդունվել է մանդատի գործողության սկզբում՝ 2024 թվականի դեկտեմբերին։
