Նախկին սենատոր Բոբ Մենենդեսը դատապարտվել է 11 տարվա ազատազրկման
Միացյալ Նահանգների նախկին սենատոր Բոբ Մենենդեսը դատապարտվել է 11 տարվա ազատազրկման՝ կաշառակերության մեղադրանքով, տեղեկացնում է BBC-ն։
Ըստ ամերիկյան դաշնային դատախազների մեղադրանքի՝ նախկին սենատորը այլ կառավարություններին աջակցելու դիմաց ստացել է խոշոր նվերներ, ոսկի, կանխիկ փող և «Մերսեդես»։
Լրատվամիջոցի փոխանցմամբ՝ դատավճռից առաջ նախկին սենատորն արտասվել է ու ասել․ «Ես կորցրի այն ամենն, ինչ թանկ էր ինձ համար, ընտանիքիցս բացի»։
Բոբ Մենենդեսը հայամետ քաղաքական գործչի համբավ ունի, նրա հայազգի կինը՝ Նադին Մենենդեսը, նույնպես մեղադրյալ է ամուսնու գործարքներին մասնակցելու համար։ Կնոջ դատավարությունը նշանակված է մարտին։ Մենենդես ամուսինները մեղադրանքը չեն ընդունել։
