Ստամբուլում զինված հարձակում է տեղի ունեցել հայկական վարժարանի նախկին շենքի վրա. Էստուկյան. Sputnik Արմենիա
Ստամբուլի Բաքըրքյոյ թաղամասում զինված հարձակում է տեղի ունեցել հայկական Տատյան վարժարանի նախկին շենքի վրա, որն այժմ քրդերն են վարձակալում։ Sputnik Արմենիայի հետ զրույցում այս մասին ասաց Ստամբուլում լույս տեսնող «Ակոս» թերթի խմբագիր Բագրատ Էստուկյանը։
Հայկական լրատվամիջոցներն ավելի վաղ գրել էին, որ զինված հարձակում է տեղի ունեցել հայկական վարժարանի վրա։
«Նախկինում այդտեղ գործող հայկական վարժարանը շուրջ 10 տարի է, ինչ տեղափոխվել է մեկ այլ շենք, իսկ տարածքը վարձակալում են քրդերը»,–ասաց նա։
Էստուկյանի խոսքով` այդ շենքը երբեք էլ հայկական համայնքին չի պատկանել, վարձակալել են։
Բագրատ Էստուկյանի խոսքով` հարձակում գործած 2 անձանցից մեկը կրակել է, մյուսը գետնից պարկուճներն է հավաքել։ Նրանք բերման են ենթարկվել, որից հետո մեկը ձերբակալվել է, մյուսն ազատ է արձակվել։
Այսօր Ստամբուլում գործում է 16 վարժարան։ Այստեղ ապրում է շուրջ 50.000 հայ։
Նշենք, որ զինված հարձակման հետևանքով կոտրվել են վարժարանի ապակիները, իսկ պատերին՝ փամփուշտի հետքեր նկատվել։
