Խաչատուր Գասպարյանը ՀՀ պաշտպանության նախարարի կողմից պարգևատրվել է «Գարեգին Նժդեհ» մեդալով
Բժշկական հոգեբանության ամբիոնի վարիչ, հոգեբանական գիտությունների թեկնածու Խաչատուր Գասպարյանը ՀՀ պաշտպանության նախարարի կողմից արժանացել է բարձրագույն պետական պարգևի՝ «Գարեգին Նժդեհ» մեդալի:
ՀՀ զինված ուժերի «Գարեգին Նժդեհ» մեդալով, զինվորականներից բացի, պարգևատրվում են հայկական բանակի կայացման և ամրապնդման գործում զգալի ավանդ ունեցող անհատները։
Նշենք, որ 2021 թվականին Երևանի Մխիթար Հերացու անվան պետական բժշկական համալսարանի բժշկական հոգեբանության ամբիոնը Զինված ուժերում հոգեբանական աշխատանքի ապահովման գործընթացքում ցուցաբերած աջակցության համար արժանացել էր Պաշտպանության նախարարության պատվոգրի:
Շուրջ 1000 զինծառայողի, ինչպես համալսարանական, այնպես էլ հանրապետության մյուս բժշկական կազմակերպություններում, տրամադրվել էր հոգեբանական աջակցություն ԵՊԲՀ մասնագետների կողմից:
