Զլատան Իբրահիմովիչը «Միլան»-ի ֆուտբոլիստների համար ելույթ է ունեցել «Ինտեր»-ին հաղթելուց հետո
«Միլան» ֆուտբոլային ակումբի խորհրդական և նախկին ֆուտբոլիստ Զլատան Իբրահիմովիչը հանդիպել է «Միլան»-ի ֆուտբոլիստների հետ հանդերձարանում և ելույթ է ունեցել՝ Իտալիայի Սուպերգավաթի եզրափակիչ խաղում տարած հաղթանակից հետո:
«Մենք հասանք մեր նպատակներից մեկին: Ընդամենը մի քանի օրվա ընթացքում մենք հսկայական աշխատանք ենք կատարել, հատկապես մարզիչն ու իր մարզչական շտաբը: Գավաթին տիրացանք անձնազոհության և հաղթանակի ձգտման շնորհիվ: Վերադառնում ենք Իտալիա` մեզ հետ վերցնելով հաղթողի մտածելակերպը»,-ասել է Զլատան Իբրահիմովիչը:Իտալիայի ֆուտբոլի Սուպերգավաթի հաղթողն այս տարի «Միլան»-ն է:
Սաուդյան Արաբիայի մայրաքաղաք Ռիադում կայացած եզրափակչում «Ինտեր»-ն ուժերը չափեց «Միլան»-ի հետ և զիջեց 3:2 հաշվով:
