Իսրայելական ուժերը գրավել են Սիրիայի տարածքի 600 քառակուսի կիլոմետրը. YPA
Իսրայելական ուժերը հինգշաբթի շարունակել են իրենց ընդլայնումը ապառազմականացված գոտուց՝ «Մանուշակագույն գծից» դուրս՝ Սիրիայի Կունեյտրայի նահանգի կենտրոնական հատվածում նոր քաղաքներ գրավելու համար, հաղորդում է Եմենի YPA լրատվամիջոցը:
Տեղի բնակիչներն ու լրատվամիջոցների աղբյուրները հաստատել են, որ իսրայելական ուժերն անցյալ շաբաթ գրավել են 600 քառակուսի կիլոմետր սիրիական տարածք՝ ռազմական դիրքեր ստեղծելով Կունեյտրայի, Դարաայի և Դամասկոսի գյուղական բնակավայրերում: Իսրայելական ուժերը միաժամանակ Սիրիայի հարավում 13 ռազմական հենակետ են տեղակայել։
Սիրիացի ակտիվիստներն ու լրատվամիջոցները հայտնել են, որ իսրայելցի զինվորներն ու ռազմական տեխնիկան ներթափանցել են Ջաբաթա ալ-Խաշաբ, Սուսա քաղաքներ և Կունեյտրայի կենտրոնական հատված:
Սիրիական դիտարանից հայտնել են, որ իսրայելցի զինվորականները պահանջել են 48 ժամվա ընթացքում հանձնել Ջաբաթ ալ-Խաշաբի բնակիչներին պատկանող ծանր սպառազինությունը։
«Օկուպացիոն ուժերը բնակիչներին տեղեկացրել են, որ իրենք պատասխանատու են տարածքի համար և այնտեղ են, որպեսզի կանխեն «Հայաթ Թահրիր աշ-Շամ»-ի ներթափանցումն այնտեղ»,-հավելել են դիտարանից:
