Բրիտանացի ազնվականների ճամփորդությունների հաստատումը վտանգում է լեգիտիմացնել ավտորիտար Ադրբեջանին. The Guardian
Անցած տարիներին Լորդերի պալատի երկու անդամները քաղաքական թշնամիներ էին, սակայն հոկտեմբերին նրանք կողք կողքի կանգնեցին Ադրբեջանի նախկին նախագահին հարգանքի տուրք մատուցելու, գրում է բրիտանական The Guardian-ը։
Ադրբեջանի մայրաքաղաք Բաքվում Հեյդար Ալիևի գերեզմանին դրված ծաղկեպսակը երեք անուն էր կրում՝ Յան ՄըքՆիքոլ (Լեյբորիստական կուսակցության նախկին գլխավոր քարտուղար), Դարեն Մոթ (Պահպանողական կուսակցության նախկին գործադիր տնօրեն) և Թահիր Գեզել (հայտնի տեղացի գործարար, որը վճարել է ազնվականների ուղևորության ծախսերը):
Լորդեր ՄըքՆիքոլը և Մոթը The Guardian-ի և Կազմակերպված հանցավորության և կոռուպցիայի հետազոտական ծրագրի (OCCRP) համատեղ հետաքննության արդյունքում մերկացվել են. նրանք անվճար ուղևորություններ են կատարել Ադրբեջան՝ աջակցություն ցույց տալով նախագահ Իլհամ Ալիևի կառավարությանը:
Ալիևն իշխանության ղեկին է 2003 թվականից՝ ստանձնելով այն հորից, որը երկիրը ղեկավարում էր խորհրդային իշխանության օրոք և առաջին անգամ ընտրվել էր 1993 թվականին։
Իրավապաշտպան կազմակերպությունները մտահոգված են, որ Մեծ Բրիտանիայի բարձրագույն օրենսդիր մարմնի անդամների ուղևորության հաստատումը սպառնում է օրինականացնել ավտորիտար պետությունը: Ադրբեջանի ղեկավարներին մեղադրում են էթնիկ զտումների, քաղաքական ընդդիմության նկատմամբ բռնաճնշումների, լրագրողների ու ակտիվիստների բանտարկության ու հալածանքների մեջ։
Ադրբեջանին բրիտանացի ազնվականների աջակցության հրապարակային դրսևորումներն, ըստ երևույթին, ակտիվացել են այս տարի, երբ երկիրը հյուրընկալեց Բաքվում Cop29 գագաթնաժողովը:
Մի շարք գործընկերներ համաձայնել են ընտրությունների ժամանակ որպես դիտորդ մասնակցելու համար վճարովի ուղևորություններ կատարել, վերջին անգամ՝ Լեռնային Ղարաբաղի վիճելի տարածաշրջանի ընտրություններում, որի կառավարությունը տապալվեց Ադրբեջանի կողմից անցյալ տարի ռազմական հարձակման ժամանակ:
Բրիտանացի ազնվականները հավանություն են տվել (Ադրբեջանում) իրենց դիտարկած ընտրություններին, որոնցից մեկը դրանք համեմատել է «Մեծ Բրիտանիայի ընտրությունների հետ»:
Լեյբորիստ ազնվականներից մեկը՝ Դեյվիդ Էվանսը, իր հրատարակչական ընկերության միջոցով պետական բիզնես պայմանագրեր է ապահովել նավթային ընկերության հետ: Նրա կրտսեր որդին ընկերությունում պրակտիկա է անցել։
Էվանսին 1998 թվականին պերի կոչման է արժանացրել Թոնի Բլերը: Ինքն, իր բնորոշմամբ՝ «Ադրբեջանի շատ լավ բարեկամն է»: 2020 թվականի ապրիլից մինչև 2024 թվականի մայիսը եղել է Ադրբեջանի միջկուսակցական խորհրդարանական խմբի անդամ, որը ստեղծվել է Ադրբեջանի հետ լավ հարաբերություններ զարգացնելու համար։
Էվանսը չափածո ներբողներով դրվատում էր British Petroleum-ի (BP) և Socar-ի միջև համագործակցությունը՝ հայտարարելով, թե «փառք Աստծո, մենք վերադարձրինք այն (Լեռնային Ղարաբաղը):
Էվանսի ընկերությունը բիզնես պայմանագրեր է ստացել Socar-ից։ 2015-2019 թվականներին նա Ադրբեջանը գովերգող երեք նվեր հրատարակում է թողարկել Socar-ի համար: Էվանսը նշել է, որ դրանք հրապարակվել են «սովորական առևտրային հիմունքներով»:
Առաջին թողարկումը նվիրված էր Բաքվի առաջին Եվրոպական խաղերին, որոնք անցկացվեցին Human Rights Watch-ի բնորոշմամբ՝ «հետխորհրդային ժամանակաշրջանում երկրի տեսած ամենավատ բռնաճնշումների պայմաններում»: Մի շարք իրավապաշտպանների և լրատվամիջոցների, դրանց թվում՝ Guardian-ին, խաղերը լուսաբանումն արգելվել է։
