«Գալուստ Սահակյանի պատգամները ապրում են մեր հիշողությունում՝ կոչ անելով շարունակել կիսատ թողած գործը». Հենրիխ Դանիելյան
Այսօր, Գալուստ Սահակյանի մահվան տարելիցի կապակցությամբ, խորին հարգանքով և երախտագիտությամբ հիշում ենք նրա թողած անգնահատելի ժառանգությանը. այս մասին գրում է ՀՀԿ Երիտասարդական կազմակերպության ղեկավար Հենրիխ Դանիելյանը:
«Հայաստանի Հանրապետական կուսակցության ականավոր գործիչ և ՀՀ Ազգային ժողովի նախկին նախագահ Գալուստ Սահակյանը ոչ միայն նվիրում էր իր կյանքը պետականաշինությանը, այլև փոխանցում էր սերունդներին արժեքներ և սկզբունքներ, որոնք մինչ օրս ուղենիշ են մեր երիտասարդության համար։ Նա մշտապես կարևորում էր երիտասարդների դերը քաղաքականության մեջ՝ նրանց սովորեցնելով մնալ հավատարիմ ազգային գաղափարներին և նպաստել պետության հզորացմանը։
Գալուստ Սահակյանի գործունեության վառ օրինակը գնահատվել է մի քանի սերունդների կողմից, իսկ նրա հայրենասիրական և ազգային պահպանողական գաղափարները ոգեշնչման աղբյուր են անգամ նրանց համար, ովքեր հնարավորություն չեն ունեցել անձամբ ճանաչելու նրան։ Այսօր նրա մասին պատմությունները դաստիարակում են նոր սերունդներին՝ սովորեցնելով նվիրում, սկզբունքայնություն և հայրենասիրություն։
Գալուստ Սահակյանի պատգամները շարունակում են ապրել մեր հիշողություններում՝ կոչ անելով մեզ շարունակել նրա կիսատ թողած գործը, պահպանել ազգային ինքնությունը և աշխատել Հայաստանի զարգացման ու առաջընթացի համար։
Հավերժ վառ հիշատակ Գալուստ Սահակյանին»։
