Նարինջով աղցան
Բաղադրիչները
- 4 խոշոր նարինջ
- 1 միջին, քաղցր կարմիր գլուխ սոխ
- փոքր փունջ մաղադանոս
- 4 ճ/գ ձիթապտղի ձեթ
- աղ, աղացած սև պղպեղ
Պատրաստման եղանակը
Նարինջը մաքրեք ու շերտ-շերտ կտրատեք:
Մաղադանոսը մանր կտրատեք: Սոխը մաքրեք, կիսեք, մի կեսը մանր կտրատեք, մյուս կեսը՝ օղակաձև:
Ոչ մեծ պնակի մեջ խառնեք ձիթապտղի ձեթը, աղն ու աղացած սև պղպեղը: Ավելացրեք մանր կտրտած սոխն ու մաղադանոսը:
Նարինջները տեղադրեք մեծ ափսեի մեջ, վրան շարեք օղակաձև կտրտած սոխը ու վրան լցրեք ձեթի ու համեմունքների խառնուրդը: 30 րոպեով տեղադրեք սառնարանում ու մատուցեք:
Խորհուրդ: Այս աղցանի համար սիցիլիացիները կարմիր սորտի նարինջ են օգտագործում՝ ոչ այնքան քաղցր, մի փոքր տտիպ: Այնպես որ՝ նարինջն ընտրելիս նախապատվությունը տվեք ոչ շատ քաղցր սորտերին:
