«Սևիլիա»-ից արձագանքել են Նաիր Թիկնիզյանի նկատմամբ հետաքրքրության մասին լուրերին
Իսպանական «Սևիլիայի» ԶԼՄ-ների հետ կապերի տնօրեն Ալվարո Ռամիրեսը մեկնաբանել է Մոսկվայի «Լոկոմոտիվի» և Հայաստանի հավաքականի կիսապաշտպան Նաիր Թիկնիզյանի նկատմամբ հետաքրքրության մասին լուրերը։
Նախկինում հաղորդվում էր, որ «Սևիլիան» շարունակում է հետևել հայ ֆուտբոլիստի շուրջ ստեղծված իրավիճակին՝ սեպտեմբերին վարձակալման անհաջող փորձից հետո:
«Այս պահին մենք հետաքրքրված չենք այս ֆուտբոլիստով»,- ասել է Ռամիրեսը Sport24-ի թղթակից Վլադիսլավ Շապիրոյի հետ զրույցում։
Այս մրցաշրջանում 25-ամյա Նաիր Թիկնիզյանը «Լոկոմոտիվի» կազմում անցկացրել է 23 հանդիպում, դարձել 2 գոլի և 3 գոլային փոխանցման հեղինակ։ Transfermarkt պորտալը ֆուտբոլիստի արժեքը գնահատում է 6,5 միլիոն եվրո:
