Հարավային Կորեայի պաշտպանության նախարարն առաջարկել է հրաժարական տալ ռազմական դրության հետ կապված իրադարձություններից հետո
Հարավային Կորեայի պաշտպանության նախարար Կիմ Յոն Հյունը ներողություն է խնդրել հանրության շրջանում անհանգստություն առաջացնելու համար երկրում հայտարարված ռազմական դրությունից հետո։ Նա նաև առաջարկել է հրաժարական տալ։ Այս մասին հաղորդում է Yonhap գործակալությունը։
Յուն Սոկ Յոլն արտակարգ ռազմական դրություն էր հայտարարել դեկտեմբերի 3-ի երեկոյան, սակայն չեղյալ էր հայտարարել այն, երբ ընդդիմության կողմից վերահսկվող խորհրդարանը քվեարկության արդյունքում մերժել էր այն:
Ռազմական դրության հայտարարումից հետո զինվորականները մտել էին խորհրդարանական համալիրի տարածք և բախվել մարդկանց մեծ խմբի հետ, որը փորձել էր փակել նրանց ճանապարհը։ Միաժամանակ, մարդկանց մեկ այլ՝ ավելի մեծ խումբ ընդհարվել էր ոստիկանության և անվտանգության աշխատակիցների հետ։
«Ես նախագահին եմ ներկայացրել հրաժարական տալու իմ ցանկությունը՝ պատասխանատվություն ստանձնելով այն ամբողջ իրարանցման համար, որ պատճառել է արտակարգ ռազմական դրությունը», – հայտարարել է Կիմ Յոն Հյունը։
Հարավային Կորեայի ընդդիմադիր կուսակցությունները միջնորդություն են ներկայացրել խորհրդարան՝ նախագահին իմփիչմենթի ենթարկելու համար։
