Հալեպից հայերի անվտանգ տարհանման հնարավորությունն այս պահին բացակայում է․ Սիրիայում ՀՀ դեսպանություն
Սիրիայում ՀՀ դեսպանության կողմից տրված պատասխանները վերջին օրերին հաճախ տրվող հարցերին.
Հարց. ՀՀ քաղաքացիների և ազգությամբ հայ բնակչության տարհանման հնարավորություններ կա՞ն։
Պատասխան. Անվտանգ տարհանման հնարավորությունն այս պահին բացակայում է։ ԱԳ նախարարությունն ուշադրությամբ հետևում է զարգացումներին, հնարավորության պարագայում կդիտարկվեն բոլոր տարբերակները։
ՀՀ քաղաքացիները կարող են կապ հաստատել Դամասկոսում ՀՀ դեսպանության հետ` զանգահարելով թեժ գծի նշված հեռախոսահամարին՝ +963960003622 (բջջային):
