Աղվան Վարդանյանը, Օհանյանը ինձ ասել են, որ տանեմ գործուղման, Վարդանյանը սուրճի էր հրավիրում.Սիմոնյան
ԱԺ նախագահ Ալեն Սիմոնյանը վստահեցնում է, որ ընդդիմադիր բազմաթիվ պատգամավորներ են իր հետ գործուղման գնում, պարզապես, չեն նկարվում, ինչպես արել է «Հայաստան» խմբակցությունից հեռացած Գեղամ Նազարյանը։
«Աղվան Վարդանյանը, որ գործուղմանը չենք տարել, մոտեցել է իմ աշխատակից Աշխենին ու ասել՝ «բա ինձ ինչո՞ւ չեք տանում», Սեյրան Օհանյանն է մոտեցել ինձ ու ասել՝ «ի միջիայլոց, ես այս ինչ երկրի բարեկամական խմբի ղեկավարն եմ, ինձ ինչո՞ւ չեք ներառում»»,- լրագրողների հետ զրույցում ասաց նա։
Սիմոնյանը նշեց, թե Աղվան Վարդանյանը մոտեցել է իրեն ու ասել՝ «ե՞րբ ազատ կլինեք, գնանք մի հատ սրճենք, մի քիչ զրուցենք»։
«Ուզում եմ հասկանալ՝ այդ ի՞նչ ստեր են»,- նշեց ԱԺ նախագահը։
Նա ասաց, որ Հնդկաստան գործուղման համար ընդդիմադիր երկու պատգամավորի առաջարկ է արել, մերժել են, ևս մեկին առաջարկ կանի՝ տեսնելու, թե ինչ պատասխան կստանա։
