Պեսկովը պարզաբանել է, թե երբ կարող է տեղի ունենալ Պուտինի և Թրամփի հեռախոսազրույցը
Ռուսաստանի առաջնորդի և ԱՄՆ ընտրված նախագահի միջև շփումները ժամանակի ընթացքում կարող են կայանալ, բայց առայժմ այդ ուղղությամբ որևէ ազդանշան չկա: Այդ մասին ասել է ՌԴ նախագահի մամուլի քարտուղար Դմիտրի Պեսկովը «Մոսկվա․ Կրեմլ․ Պուտին» հաղորդման եթերում։
«Անհրաժեշտության դեպքում այդ ամենը կարող է շատ օպերատիվ կազմակերպվել։ Այստեղ խնդիր չկա»,- ասել է Պեսկովը։
Նա հավելել է, որ երբ երկու կողմից փոխըմբռնում լինի հեռախոսազրույցի անհրաժեշտության վերաբերյալ, այն կկայանա։
Նշենք, որ օրեր առաջ The Washington Post–ը գրել էր, թե Պուտինի և Թրամփի միջև հեռախոսազրույց է եղել։ Պեսկովը հերքել էր այդ լուրն ու հավելել՝ Պուտինի և Թրամփի շփումների վերաբերյալ կոնկրետ ծրագրեր դեռ չկան։
