Էրդողանը Թուրքիայի ԱԽ-ի հետ կքննարկի Իրանի հարվածներն Իսրայելին և իրավիճակը Լիբանանում
Թուրքիայի նախագահ Ռեջեփ Թայիփ Էրդողանը պատրաստվում է այսօր Անվտանգության խորհրդի հետ քննարկել Իսրայելի ուղղությամբ Իրանի հրթիռային հարվածներն ու Լիբանանում տիրող իրավիճակը: Այս մասին գրում է Milliyet թերթը՝ հղում անելով իր աղբյուրներին։
«Տարածաշրջանում տեղի ունեցող իրադարձությունները կքննարկվեն Ազգային անվտանգության խորհրդի (MGK) նիստում՝ նախագահ Ռեջեփ Թայիփ Էրդողանի նախագահությամբ:
Նիստին կմասնակցեն խորհրդի կազմում ընդգրկված նախարարները, ինչպես նաև անվտանգության բյուրոյի բարձրագույն ղեկավարները:
Հանդիպման օրակարգում կլինեն Լիբանանում Իսրայելի գործողությունները և Իրանի հրթիռային հարվածներն Իսրայելին»,-գրում է պարբերականը։
