Փաշինյանն ապավինում է Ադրբեջանին, նա ակնարկում է, որ այդպիսի երաշխիքներ կարող է ստանալ Բաքվից. Սուրենյանց
Սուրեն Սուրենյանցը գրում է. «Փաշինյանի քաղաքականության հետևանքը
«Մեր անվտանգության երաշխավորը կա՛մ մենք ենք, կա՛մ չկա երաշխավոր։ Բոլոր նրանց, ում անունն ուզում ենք դնել անվտանգության երաշխավոր, մենք իրենց համար մանրադրամ ենք։ Մեր հարցերը մենք պիտի լուծենք»,- երեկ ԱԺ-ում ասել է Նիկոլ Փաշինյանը:
Առաջին հայացքից շատ գեղեցիկ է հնչում, մանավանդ՝ Փաշինյանի շուրթերից, ով իրեն դիրքավորել է՝ որպես ինքնիշխանության խորհրդանիշ:
Բայց արդյո՞ք իրականության հետ աղերս ունի Փաշինյանի հայտարարությունը:
Բնականաբար, ոչ:
Եթե Փաշինյանը Ռուսաստանին այդ դերում չի տեսնում և փաստորեն ակնարկում է, որ Արևմուտքում էլ երաշխավորներ չկան, ապա նա ապավինում է Ադրբեջանին, այլ խոսքով՝ ակնարկում է, որ այդպիսի երաշխիքներ կարող է ստանալ Բաքվից:
Տարածաշրջանում ձևավորված ուժային դիսբալանսի պայմաններում հնարավոր չէ այլ կերպ հասկանալ Փաշինյանի պնդումը, որովհետև ինչ-որ գործոն, Հայաստանին տրված անվտանգային երաշխիք միայն կարող է զսպել Բաքվի ախորժակը:
Փաշինյանի «Մեր հարցերը մենք պիտի լուծենք»-ը ոչ թե ինքնիշխանության դրսևորում է, այլ Բաքվից երաշխիքներ ստանալու ակնկալիք:
Այլ խոսքով, ռուսական ազդեցությունից ազատվելու հետևանքը դառնալու է ադրբեջանական ենթապետության վերածվելը»։
