2024թ. առաջին կիսամյակում Թուրքիան ընդունել է 26 մլն զբոսաշջիկ
Թուրքիայի նախագահ Ռեջեփ Թայիփ Էրդողանը կառավարության նիստից հետո դիմել է հանրությանը։ Ի թիվս այլ թեմաների՝ խոսել է զբոսաշրջության ոլորտում Թուրքիայի արձանագրած հաջողություններից։ Այս մասին տեղեկացնում է ermenihaber.am-ը։
Տուրիզմի վերաբերյալ գնահատականներ տալով՝ Էրդողանն ասել է, որ այդ ոլորտում արվող ներդրումները մեծապես նպաստում են Թուրքիայի տնտեսության զարգացմանը։
Ըստ նրա հայտնած տվյալների՝ 2024 թվականի առաջին կիսամյակում Թուրքիան ընդունել է 26 միլիոն զբոսաշրջիկ՝ այդպիսով զգալի աճ գրանցելով զբոսաշրջային եկամուտներում (23.7 միլիարդ դոլար):
Էրդողանը շեշտել է, որ զբոսաշրջության ոլորտը պետք է ապահովի արագ և արդար եկամուտների բաշխում, իսկ գերշահույթ ստանալու ձգտումը երկարաժամկետ կտրվածքով վնաս կհասցնի ոլորտին։
