Թուրքիան իր քաղաքացիներին կոչ էր արել զերծ մնալ Լիբանան մեկնելուց
Իսրայելի և Իրանի միջև լարվածության աճին զուգահեռ մեծացել է մտավախությունը, որ պատերազմը կտարածվի նաև Լիբանանում: Շատ երկրներ, այդ թվում՝ Թուրքիան, իրենց քաղաքացիներին հորդորում են չմեկնել Լիբանան, իսկ եթե այնտեղ են, լքեն երկիրը։ Սակայն Թուրքիայի արտաքին գործերի նախարարությունը տարհանման գործողություն դեռ չի սկսել։ Այս մասին տեղեկացնում է ermenihaber.am-ը։
Թուրքիայի ԱԳՆ մամուլի խոսնակ Օնջյու Քեչելին սոցցանցում տարածած գրառման մեջ նշել է․
«Մեր քաղաքացիները պետք է խուսափեն Լիբանան մեկնելուց, եթե դա խիստ անհրաժեշտ չէ։ Իսկ Լիբանանի մեր քաղաքացիներին խորհուրդ է տրվում զգույշ լինել, չգնալ Նաբաթիե, Հարավային Լիբանան, Բեքաա և Բաալբեկ-Հերմել նահանգներ, եթե անհրաժեշտություն չկա։ Նրանք, ովքեր Լիբանանում մնալու կարիք չունեն, հնարավորության դեպքում թող հեռանան Լիբանանից, քանի դեռ քանի դեռ կանոնավոր չվերթները դեռևս շարունակվում են»։
