Օլիմպիական խաղերի բացման արարողության պրոդյուսերները բողոք են ներկայացրել. «Le Parisien»
Փարիզի օլիմպիական խաղերի բացման արարողությունը կազմակերպած պրոդյուսերական ընկերության գլխավոր տնօրենի տեղակալը հաշվեհարդարի սպառնալիքների վերաբերյալ բողոք է ներկայացրել: Այս մասին հայտնում է «Le Parisien»-ը։
Ընկերությունն օգոստոսի 2-ին վիրավորանքներով և սպառնալիքներով մի քանի նամակ է ստացել արարողության գեղարվեստական ղեկավար Թոմաս Ջոլիի և ընկերության առանցքային ղեկավարների հասցեին: Նամակներում մասնավորապես ասվել է. «Ալլահի պատիժը վրա կհասնի կազմակերպիչներին»:
Փարիզի դատախազությունը հետաքննություն է սկսել Ջոլիի բողոքների կապակցությամբ: Նրա ստացած հաղորդագրություններում մահվան սպառնալիքներ են եղել՝ կապված ծագման և սեռական կողմնորոշման հետ։
