Տեղի ունեցածը դրական կազդի Թրամփի նախագահական հայտի վրա․ Bloomberg

Շաբաթ օրը Փենսիլվանիայի հանրահավաքում տեղի ունեցած քաղաքական բռնության պահը, ամենայն հավանականությամբ, կազդի Դոնալդ Թրամփի նախագահական հայտի վրա: Այդ մասին գրում է Bloomberg-ը։

Հոդվածում նշվում է, որ սոցցանցերում և ԶԼՄ-ներում պտտվում է անհնազանդ Թրամփի պատկերը՝ բռունցքը բարձրացրած գլխավերևում և արյունոտ աջ ականջով, մինչ Գաղտնի ծառայության գործակալները շրջապատում են նրան, իսկ այս ամենի ֆոնին ծածանվում է ամերիկյան դրոշը:

Ըստ հրապարակման՝ այս միջադեպը կարող է դրական ազդեցություն ունենալ Թրամփի նախընտրական քարոզարշավի վրա՝ բարձրացնելով նրա շանսերը նախագահական ընտրություններում։