Մաշկային ինչ խնդիրների կարող են բախվել սուրճի սիրահարները
![](https://168.am/wp-content/uploads/2022/11/coffee.jpg)
Սուրճի սիրահարների մոտ կարող են մաշկային խնդիրներ առաջանալ այս ըմպելիքը շատ հաճախ օգտագործելու հետևանքով: Այս մասին զգուշացնում է կոսմետոլոգ Նատալյա Բուբենչիկովան, փոխանցում է lenta.ru-ն:
Սուրճը միզամուղ հատկություն ունի և կարող է հանգեցնել մաշկի չորացման, ջրազրկման: Ուստի այս ըմպելիքի սիրահարներին անհրաժեշտ է անընդհատ լրացնել ջրային հաշվեկշիռը։ Օրինակ՝ յուրաքանչյուր բաժակ սուրճից հետո կարելի է մեկ բաժակ ջուր խմել։
«Ոմանք ասում են, որ սուրճը վնասակար է, ոմանք ասում են, որ այն օգտակար է: Հետևաբար, ամեն ինչ կախված է չափաբաժնից: Մեկ-երկու գավաթ սուրճը ոչ մի վնաս չի տա: Իսկ եթե օրվա ընթացքում իսկապես շատ է լինում՝ երեք, չորս կամ ավելի, ապա արդեն պետք է մտածել սուրճի վնասների մասին»,- ըստ shantnews-ի՝ ասել է մասնագետը։