Սնվելու սովորություններ, որոնք վատթարացնում են քունը
Քնի մասնագետ Էշլի Հեյնսվորթը թվարկել է սովորական սննդային սովորություններ, որոնք դժվարացնում են քուն մտնելը և նվազեցնում քնի որակը: Նրա խոսքերը, ըստ shantnews-ի՝ մեջբերում է Daily Mirror-ը։
Հեյնսվորթը խորհուրդ է տվել քաղց զգալով չգնալ քնելու, քանի որ այս վիճակում օրգանիզմի համար ավելի դժվար է քնելը։
Միաժամանակ, նրա խոսքով, որոշակի սննդատեսակներ կարող են խանգարել քունը։
«Ածխաջրերն ու շաքարը մեզ էներգիա են տալիս և խթանում ուղեղի աշխատանքը, բայց կարող են մեծացնել անհանգստությունը, այնպես որ հնարավորության դեպքում ավելի լավ է խուսափել դրանցից քնելուց առաջ», – խորհուրդ է տվել փորձագետը:
Հեյնսվորթը նաև երեկոյան անցանկալի է անվանել ալկոհոլ և կոֆեին պարունակող խմիչքները, ինչպես նաև կծու մթերքները։ Նա բացատրել է, որ չափից շատ պղպեղը կարող է այրոց առաջացնել, ինչը կարող է խանգարել քունը:
Մասնագետն առաջարկել է այդ ամենի փոխարեն ընկույզ և կաթնամթերք ուտել։
