Ապխտած մսով բորշչ
Բաղադրիչները՝
- 2 լիտր մսի արգանակ
- 200 գ տավարի ապխտած միս
- 100 գ խոզապուխտ
- 100 գ ապխտած կրծքամիս
- 3 հատ ապխտած նրբերշիկ
- 2 հատ եփած բազուկ
- 200 գ կաղամբ
- 1 գլուխ սոխ
- 3 ճ.գ. բուսական յուղ
- 2 ճ.գ. կտրտած սխտոր
- 2 ճ.գ. տոմատ
- 2 հատ դափնու տերև
- 8 հատ հատիկավոր սև պղպեղ
Պատրաստման եղանակը
Տավարի միսը, խոզապուխտը, կրծքամիսը և նրբերշիկները տաշեղաձև կտրատեք: Բազուկը խոշոր քերիչով անցկացրեք: Կաղամբն ու սոխը տաշեղների ձևով կտրատեք:
Կաղամբը առանց յուղի թավայի մեջ տապակեք մինչև ոսկեգույն երանգ ստանալը: Սոխը տոմատի հետ տապակեք յուղի մեջ:
Արգանակը եռացրեք, մեջը լցրեք մսեղենն ու 15 րոպե եփեք: Ավելացրեք կաղամբը, սոխը տոմատի հետ և ևս 10 րոպե եփեք:
Ապա ավելացրեք բազուկը, դափնու տերևը, աղ ու պղպեղ արեք, 5 րոպե եփեք: Վերջում ավելացրեք կտրտած սխտորը:
Մատուցելիս բորշչը համեմեք թթվասերով ու կտրտած կանաչիով:
