Պարզ է, որ Նիկոլ Փաշինյանն է գրել այս որոշումը. չընկճվեք հանկարծ. Արմեն Աշոտյան
Հակակոռուպցիոն դատարանը՝ Վահե Դոլմազյանի նախագահությամբ, որոշում կայացրեց անփոփոխ թողնել ՀՀԿ փոխնախագահ Արմեն Աշոտյանի խափանման միջոցը. կալանքի ժամկետը դարձյալ 3 ամսով երկարացվեց:
Դատավորն անտեսեց Արմեն Աշոտյանի խափանման միջոցը փոխելու համար ԱԺ «Հայաստան» և «Պատիվ ունեմ» խմբակցության պատգամավորների ներկայացրած երաշխավորությունները:
Դատարանի որոշմանը ՀՀԿ փոխնախագահի աջակիցներն ու ընկերները արձագանքեցին «ամոթ» վանկարկումով։
Արմեն Աշոտյանն արձագանքեց. «Ամոթ եք գոռում մարդկանց, որոնք ամոթ չունեն»:
168.am-ի հարցին՝ ինչքա՞ն պետք է նստեք, որ դատավորի համար ռիսկերը վերանան, ՀՀԿ փոխնախագահը պատասխանեց.
«Պարզ չի՞, որ Նիկոլ Փաշինյանն է գրել այս որոշումը։ Երբ ես նստում էի, Հայաստանն Արցախ ուներ, Արցախը հայկական էր, հիմա՝ Արցախը հայկական չի, չգիտեմ՝ դուրս գալուցս ի՞նչն է մնալու հայկական»։
Ո՞վ պետք է երաշխավորի, որ Ձեզ բաց թողնեն՝ Փաշինյա՞նը՝ մեր մյուս հարցին ի պատասխան էլ՝ նա նշեց. «Դուք կարծում եք՝ ես կհամաձայնե՞մ, որ Նիկոլ Փաշինյանը կամ իր նման որևէ մեկը գա, ինձ համար երաշխավորի՞»։
Մանրամասները՝ տեսանյութում
