Ադրբեջանի իշխանությունները երկարաձգել են լրտեսության մեջ մեղադրվող Ֆրանսիայի քաղաքացու կալանքը
Ադրբեջանի իշխանությունները երկարաձգել են լրտեսության մեջ մեղադրվող Ֆրանսիայի քաղաքացի Մարտին Ռայանի կալանքը։ ԱՊԱ-ն հայտնում է, որ կալանքը երկարացվել է 4 ամսով։
Merkorama ՍՊԸ-ի գլխավոր տնօրեն Մարտին Ռայանը Բաքվում ձերբակալվել էր Ադրբեջանի պետական անվտանգության ծառայության կողմից անցյալ տարվա դեկտեմբերի 4-ին` լրտեսության մեղադրանքով։ Քրեական հետաքննության արդյունքում Ֆրանսիայի դեսպանատան երկու աշխատակիցներ ճանաչվել են «պերսոնա նոն գրատա» և լքել երկիրը։ Հետաքննության ընթացքում, իբր, բացահայտվել է ֆրանսիական հետախուզության լայն լրտեսական ցանց՝ ներառյալ «միջազգային հեղինակավոր կազմակերպություններում ներգրավված անհատներ»։
