Միրզոյանը ներկայացրել է Հայաստանի համար առանցքային սկզբունքներն Ադրբեջանի հետ բանակցություններում
Ադրբեջանի հետ հարաբերությունների կարգավորման բանակցություններում Հայաստանի համար առանցքային են տարածքային ամբողջականության, սահմանների անձեռնմխելիության նկատմամբ հարգանքը, ենթակառուցվածքների նկատմամբ ինքնիշխանությունը։ Ուրուգվայական լրատվամիջոցներին տված հարցազրույցում այս մասին ասել է Հայաստանի արտաքին գործերի նախարար Արարատ Միրզոյանը։
Նախարարը շեշտել է, որ այդ մոտեցումը միանգամայն համահունչ է միջազգային իրավունքին, և միջազգային հանրության կողմից դրան աջակցությունը չափազանց կարևոր է։
«Եվ այս կարևորությունն ընդգծվում է հատկապես ներկայիս պայմաններում, երբ ձևավորված միջազգային իրավակարգը շատերի կարծիքով չի գործում, ուստի միջազգային հարաբերությունների հիմքում դրված՝ իմ կողմից նշված առանցքային սկզբունքների, միջազգային իրավունքի պաշտպանությունը կարող է ձևավորել անհրաժեշտ միջավայրը, որի կարիքը մեր տարածաշրջանում մեծապես զգացվում է»,- նշել է ՀՀ ԱԳ նախարարը։
