Երևանի «Նոա»-ն նոր ֆուտբոլիստ ունի
Երևանի «Նոա» ֆուտբոլային ակումբը հայտարարել է նոր տրանսֆերի մասին։
Ինչպես հայտնում է ակումբի մամուլի ծառայությունը, թիմին է միացել Նոր Զելանդիայի հավաքականի 25-ամյա հարձակվող Լոգան Ռոջերսոնը։
Ռոջերսոնը կարիերայի սկզբնական փուլն անցկացրել է Նոր Զելանդիայի առաջնությունում։
2021 թ. Ռոջերսոնը միացել է ֆիննական ՀԻԿ-ին, այնուհետև տեղափոխվել է նույն առաջնությունում հանդես եկող «Հակա»։
Ֆինլանդիայի առաջնությունում մեր թիմի նորեկն անցկացրած 52 խաղում դարձել է 7 գոլի և 11 գոլային փոխանցման հեղինակ։
Նոր Զելանդիայի ազգային հավաքականում անցկացրած 9 խաղում Ռոջերսոնը դարձել է 1 գոլի հեղինակ։
