Խոզի միսը՝ ընկուզեղենով
Բաղադրիչները՝
- խոզի փափկամիս- 400 գ
- ընկուզեղեն (ընկույզ, պնդուկ, հնդկական ընկույզ)- 50 գ
- թթվասեր- 3 ճ/գ
- պինդ պանիր- 100 գ
- մաղադանոս
- բուսական յուղ- 2 ճ/գ
- աղ ու համեմունքներ՝ ըստ ճաշակի
Պատրաստման եղանակը՝
Խոզի միսը բարակ շերտերով կտրատեք ու մի կողմից թակեք:
Բլենդերի մեջ լցրեք ընկուզեղենն ու լվացած մաղադանոսը:
Բլենդերով մանրացրեք մինչև մանր փշուրների վերածվելը:
Ընկուզեղենի ու մաղադանոսի փշուրների վրա լցրեք թթվասերն ու խառնեք:
Տապակի մեջ փայլաթիթեղ դրեք, վրան բուսական յուղ քսեք: Շարեք թակած խոզի միսը, աղ արեք, ձեր ճաշակով համեմեք: Մսերի վրա քսեք ընկուզեղենի ու թթվասերի խառնուրդը: Ապա մեկ շերտ քերած պանիր լցրեք վրան:
Տապակը 20-25 րոպեով տեղադրեք 180 աստիճան տաքության ջեռոցում:
Ուտեստը մատուցեք տաք վիճակում, թարմ կանաչեղենի հետ:
