Ռաֆայել Նազարյանն ավարտում է աշխատանքը «Արարատ»-ում
Ռաֆայել Նազարյանն ավարտում է իր աշխատանքը Երևանի «Արարատ»-ում:
Այս մասին հայտնում է «Արարատ» ֆուտբոլային ակումբի մամուլի ծառայությունը:
Ակումբի և մարզչի միջև պայմանագիրը խզվել է փոխադարձ համաձայնությամբ:
Նրա հետ միասին ակումբից հեռանում են մարզչական շտաբի անդամներ Տիգրան Գևորգյանը, Էրիկ Նազարյանը և Նիկոլայ Սարգսյանը:
Մինչ նոր գլխավոր մարզչի նշանակումը թիմը կաշխատի «Արարատ-2»-ի գլխավոր մարզիչ Գևորգ Պողոսյանի գլխավորությամբ:
«Արարատ» ֆուտբոլային ակումբը շնորհակալություն է հայտնել Ռաֆայել Նազարյանին ու իր մարզչական շտաբին կատարած աշխատանքի համար և մաղթել է հաջողություններ հետագա կարիերայում:
