Թուրքիան ԱՄՆ-ում նոր դեսպան կունենա
ԱՄՆ-ում Թուրքիայի դեսպան Մուրադ Մերջանը սոցցանցում արած գրառմամբ տեղեկացրել է, որ հունվարի 12-ին լքելու է իր պաշտոնը: Այս մասին տեղեկացնում է ermenihaber.am-ը։
Որպես պատճառ Մերջանը նշել է իր տարիքը՝ նա հունվարի 14-ից կենսաթոշակառուի կարգավիճակ է ստանալու: Նա պաշտոնաթող է լինելու և վերադառնա Թուրքիա։
Թուրքական մամուլում շրջանառվում են տեղեկություններ, որոնց համաձայն՝ Թուրքիան իր նոր ներկայացուցչին ԱՄՆ-ում Թուրքիայի դեսպանի պատշոնում հաստատելու համար դիմում է ուղարկել ԱՄՆ և սպասում է պատասխանի:
Վերոհիշյալ գործընթացը կարող է տևել մի քանի ամիս:
ԱՄՆ-ում Թուրքիայի նոր դեսպանի մասին անձնական տվյալներ չեն հաղորդվում:
Նշենք, որ Մերջանն ԱՄՆ-ում Թուրքիայի դեսպանի պաշտոնին նշանակվել էր 2021-ի մարտին:
