Պակիստանում առնվազն հինգ ոստիկան է զոհվել պայթյունի հետևանքով
Առնվազն 5 ոստիկան է զոհվել, ևս 10-ը վիրավորվել Պակիստանի հյուսիս-արևմուտքի Խայբեր Փախտունխվա նահանգի Բաջաուրի շրջանում պայթյունի հետևանքով։
Այդ մասին հաղորդել է Daily Pakistan թերթը՝ վկայակոչելով փրկարարներին ու ոստիկաններին։
Ըստ նախնական տեղեկատվության՝ պայթել է ոստիկանական ավտոմեքենան։ Իրավապահ մարմինների աշխատակիցները ներգրավված են եղել պոլիոմիելիտի դեմ պատվաստումների ժամանակ անվտանգության ապահովման գործում:
