Քարվաճառում ադրբեջանական բեռնատարն ընկել է գետը. վարորդը զոհվել է
Արցախի Քարվաճառի շրջանում մահվան ելքով ճանապարհատրանսպորտային պատահար է տեղի ունեցել, հայտնում են ադրբեջանական լրատվամիջոցները։
Նախաքննության ընթացքում պարզվել է, որ Բաքվի բնակիչ Ս.Ռահիմովի վարած «Man» մակնիշի բեռնատարը դուրս է եկել ճանապարհի երթևեկելի հատվածից և ընկել գետի հունը։
Վարորդը տեղում մահացել է։
Հետաքննությունը շարունակվում է։
