Բժիշկն արդյունավետ նիհարելու տարբերակներ է առաջարկել 40-ն անց մարդկանց
Տարիքի հետ մարդը մարդու մոտ կարող է զարգանալ սարկոպենիա (մկանային համակարգի տարիքային կորուստ) և լյարդի դիսֆունկցիա, որը բացասաբար է անդրադառնում նյութափոխանակության արագության և նիհարելու ունակության վրա, ասել է թերապևտ, ինտեգրատիվ և հակատարիքային բժշկության փորձագետ Սվետլանա Կանևսկայան։ Այս մասին, ըստ shantnews-ի՝ Lenta.ru-ի հետ զրույցում նա նշել է 40-ն անց մարդկանց համար քաշի դեմ ավելի արդյունավետ պայքարելու ուղիներ:
Բժիշկը նշել է, որ տարիքի հետ և՛ տղամարդիկ, և՛ կանայք աստիճանաբար ճարպ են կուտակում և կորցնում մկանային զանգվածը։ Բացի այդ, նվազում է այն կալորիաների քանակը, որոնք օրգանիզմն այրում է հանգստի ժամանակ։
Սակայն, ինչպես վստահեցրել է Կանևսկայան, նյութափոխանակությունը կարելի է արագացնել մի քանի ճանապարհով։
Նախ, բժիշկը խորհուրդ է տվել սկսել օրական առնվազն 10 հազար քայլ քայլել։ 30-40 րոպե կանոնավոր մարզվելը նույնպես օգուտ կբերի ձեր նյութափոխանակությանը, իսկ վարժությունների ժամանակ խորհուրդ է տրվում առատ քրտնել։
«Սկսեք հետևել ձեր սննդակարգին: Հեռացրեք շաքարը, բոլոր տրանս ճարպերը և արագ սնունդը ձեր սննդակարգից: Համոզվեք, որ ձեր սննդակարգում բավարար քանակությամբ սպիտակուցներ և ճիշտ ճարպեր ունեք: Ձեր քաշի համար բավականաչափ հեղուկ խմեք»,-ասել է նա։
