«Հայաստանը երբեք օգտագործված զենք ձեռք չի բերելու». Անդրանիկ Քոչարյան
Անվտանգությանը վերաբերող խնդիրների լուծման տեսանկյունից կարող ենք 2024 թվականի բյուջեն դիտարկել որպես անվտանգային բյուջե։ Այս մասին ԱԺ ամբիոնից հայտարարեց Պաշտպանության ու անվտանգության մշտական հանձնաժողովի նախագահ Անդրանիկ Քոչարյանը։
«Ֆինանսաների նախարարը ներկայացրեց մի թիվ՝ 555 մլրդ դրամ, որը ավելին է, քան 2023թվականի նախատեսված ծախսերը։ Հիմնական գաղափարը, որ դրված է սպառազինության բովանդակության մեջ հետևյալն է՝ դրանք բացի պաշտպանական լինելուց, պետք է լինեն նորը»,- ասել է նա։
Պարոն Արթուր Խաչատրյանի հարցին, թե դրանք հին նոր են, թե՞ նոր նոր են, զեկուցողը հստակ պատասխանեց, որ դրանք պետք է լինեն նորը։
«ՀՀ-ն երբեք օգտագործված պաշտպանական բնույթի սպառազինություն ձեռք չի բերելու։ Ու մենք անշեղորեն իրագործելու ենք այդ խնդիրը։ Վերջին 26 տարվա մեջ աշխատանքը, որ արվել է առաջնագծի տարբեր հատվածներում, արվել է այնպիսի ծավալով ու որակով, որ եթե մենք ունենայինք, վստահաբար կարող ենք ասել, որ 44-օրյա պատերազմի բաժանարար գիծը լրիվ այլ տարածքով կանցներ»,- ասաց Անդրանիկ Քոչարյանը։
