Արևմուտքը «սիրաշահում է» Հայաստանին և ցանկանում է նրա հետ ընկերանալ ընդդեմ ՌԴ-ի․ Լավրով
Արևմտյան երկրները, որոնք այժմ ակտիվորեն «սիրաշահում են» Հայաստանին, ցանկանում են նրա հետ բարեկամանալ ընդդեմ Ռուսաստանի Դաշնության: Այս մասին, ինչպես գրում է ՏԱՍՍ գործակալությունը, «Ռոսիա-1» հեռուստաալիքի եթերում ասել է ՌԴ արտաքին գործերի նախարար Սերգեյ Լավրովը։
ՌԴ ԱԳ նախարարի խոսքով՝ Ռուսաստանը նախապաշարմունքներ չունի Հայաստանի արտաքին գործընկերների նկատմամբ, Երևանը պետք է ինքնուրույն որոշի իր ուղին։
«Մենք կողմ ենք, որ Հայաստանը՝ որպես ՀԱՊԿ անդամ, որպես մեր մերձավոր դաշնակից, ռազմավարական գործընկեր, ինքը որոշի, թե ինչպես պետք է հարաբերություններ կառուցի արտաքին գործընկերների հետ։ Մենք բացարձակապես որևէ նախապաշարմունքներ չենք ունեցել նրա արտաքին գործընկերների կամ ընկերների շրջանակների նկատմամբ, ինչպես ուզում եք դա անվանեք։ Մենք երբեք ոչ մեկի հետ չենք ընկերանում ըննդեմ ինչ-որ մեկի»,-ասել է Լավրովը:
