Շառլ Միշելն առաջարկել է Փաշինյանին ու Ալիևին հոկտեմբերի վերջին հանդիպել Բրյուսելում
Եվրամիության խորհրդի նախագահ Շառլ Միշելը հանդես է եկել եռակողմ հանդիպման նախաձեռնությամբ՝ առաջարկելով Նիկոլ Փաշինյանին ու Ադրբեջանի նախագահ Իլհամ Ալիևին հոկտեմբերի վերջին հանդիպել Բրյուսելում։
Այս մասին, ինչպես գրում է ՏԱՍՍ գործակալությունը, Գրանադայում լրագրողների հետ զրույցում հայտնել է դիվանագիտական աղբյուրը։
«(Եվրամիության խորհրդի) նախագահ Շառլ Միշելը նախագահ Ալիևին և վարչապետ Փաշինյանին հրավիրել է հոկտեմբերի վերջին շաբաթվա ընթացքում Բրյուսելում կայանալիք հանդիպմանը»,- ասել է նա։
