ԱՊՀ քարտուղարը ակնկալում է, որ կազմակերպության բոլոր երկրների ղեկավարները կմասնակցեն առաջիկա նիստին
Անկախ պետությունների համագործակցության (ԱՊՀ) գլխավոր քարտուղար Սերգեյ Լեբեդևը հստակեցրել է, որ ակնկալում է, որ ասոցիացիայի բոլոր երկրների ղեկավարները, բացառությամբ Ուկրաինայի և Մոլդովայի, կմասնակցեն Բիշքեկում կայանալիք ԱՊՀ պետությունների ղեկավարների խորհրդին։
Ըստ քարտուղարի՝ Ուկրաինայի և Մոլդովայի ղեկավարները նիստերին չեն մասնակցի՝ չնայած հանդիսանում են դե յուրե անդամ։
ԱՊՀ-ի գլխավոր քարտուղարը նշել է, որ այս պահին տեղեկություններ չկան, որ ինչ-որ մեկը կհրաժարվի մասնակցությունից․ «Համենայնդեպս, այն տեղեկատվությունը, որը այժմ ունենք, խոսում է այն մասին, և մենք հույս ունենք, որ պետությունների մեծ մասը, բացառությամբ Ուկրաինայի և Մոլդովայի, կմասնակցեն այդ համաժողովին»,- նշել է ԱՊՀ գլխավոր քարտուղարը։
Նշենք, որ ԱՊՀ խորհրդի նիստը նախատեսված է հոկտեմբերի 13-ին՝ Ղրղզստանի մայրաքաղաքում, իսկ նախօրեին տեղի կունենա ԱՊՀ երկրների արտգործնախարարների խորհրդի նիստը։
