Բուֆոնը հայտարարել է կարիերան ավարտելու մասին
Իտալացի դարպասապահ Ջանլուիջի Բուֆոնը հայտարարել է կարիերան ավարտելու մասին։ Այս մասին 45-ամյա ֆուտբոլիստը հայտնել է իր սոցցանցային էջերում ու տեսանյութ հրապարակել։
2006 թվականի աշխարհի չեմպիոնը գրել է․ «Այստեղ ավարտվում է: Դուք ինձ տվեցիք ամեն ինչ: Ես ձեզ ամեն ինչ տվեցի: Մենք միասին հաղթեցինք»։
Բուֆոնի պայմանագիրը «Պարմայի» հետ ուժի մեջ է մինչև 2024 թվականի ամառ։ Sky Sport-ը հայտնել է, որ ֆուտբոլիստի ներկայացուցիչը կհանդիպի ակումբի ղեկավարության հետ պայմանագրի վաղաժամ խզման հարցով։
