Նոթինգհեմի կենտրոնում երեք մարդու մարմին հայտնաբերելուց հետո ոստիկանությունը տղամարդու է ձերբակալել
Անգլիայի Նոթինգհեմ քաղաքի կենտրոնում 3 մարդու մարմին է հայտնաբերվել, որից հետո ձերբակալվել է 31-ամյա մի տղամարդ: Այս մասին հաղորդում է BBC-ն:
Ըստ ոստիկանության՝ մեկ այլ միջադեպ էլ տեղի է ունեցել բեռնատարի մասնակցությամբ, որը փորձել է վրաերթի ենթարկել 3 մարդու, որոնք վնասվածքներ են ստացել:
Նոթինգհեմի կենտրոնում փակվել են ճանապարհները, հանրային տրանսպորտի ծառայությունները կասեցվել են, իրավապահների մեծաթիվ ուժեր են տեղակայվել:
Մեծ Բրիտանիայի վարչապետ Ռիշի Սունակը շնորհակալություն է հայտնել ոստիկանությանը և արտակարգ ծառայություններին՝ իրենց արագ արձագանքման համար:
