«Շատ բան չեմ կարող ասել, այս պահին վիճակը նորմալ է». Կուտականի վարչական ղեկավար
Վաղ առավոտյան ՀՀ պաշտապանության նախարարությունը տեղեկացրել էր, որ Ադրբեջանի Զինված ուժերի ներկայացուցիչները կրակել են Գեղարքունիքի մարզի Կուտական գյուղի հարակից հատվածում տեղակայված հայկական դիրքերի ուղղությամբ։
168.am-ի հետ զրույցում Կուտական գյուղի վարչական ղեկավար Մակիչ Թովմասյանը խուսափեց հստակ պատասխանել՝ այդ կրակոցները գյուղ հասե՞լ են, թե՞ ոչ, նշելով, որ այդ հարցերին պետք է պատասխանի Պաշտպանության նախարարությունը։
«Շատ բան չեմ կարող ասել, այս պահին վիճակը նորմալ է, իսկ մյուս բոլոր հարցերի պատասխանները ստացեք ՊՆ-ից»,- ասաց Մակիչ Թովմասյանը։
Հիշեցնենք, որ ադրբեջանական ԶՈւ-ի թիրախում, Գեղարքունիքի մարզի այլ սահմանամերձ գյուղերի հետ միասին, մշտապես եղել է նաև Կուտականը։
Նշենք նաև, որ վերջին շրջանում ադրբեջանական Զինված ուժերի կողմից ավելացել է խախտումների քանակը, նրանք պարբերաբար կրակում են խաղաղ բնակավայրերի ուղղությամբ, ինչն արձանագրում են ռուս խաղաղապահները։
