68-ամյա աշխատակցի չհրկիզվող պահարանում հրացան է հայտնաբերվել
Ոստիկանության Բյուրեղավանի բաժանմունքում օպերատիվ տեղեկություններ էին ստացվել, որ Բյուրեղավան քաղաքի ՍՊ ընկերություններից մեկի աշխատակիցն իր աշխատասենյակում ապօրինի զենք է պահում:
Ապրիլի 11-ին, զենք-զինամթերք ապօրինի պահելու և կրելու կասկածանքով, 68-ամյա տղամարդը ձերբակալվել և ներկայացվել է Աբովյանի քննչական բաժին: Նախաձեռնված քրեական վարույթի շրջանակում կատարված ստուգման ժամանակ նշված աշխատասենյակի չհրկիզվող պահարանում հայտնաբերվել և առգրավվել է առանց գործարանային համարի երկփողանի որսորդական հրացան:
Քրեական վարույթը շարունակվում է:
