Վրաստանում 4 մարդ է ձերբակալվել կեղծ դոլար ձեռք բերելու և վաճառելու համար
Վրաստանի չորս քաղաքացու են ձերբակալել կեղծված արժույթ ձեռք բերելու, պահելու և վաճառելու համար:
Ըստ հետաքննության տվյալների՝ հանցավոր խմբի անդամները 2023 թ. մարտ-ապրիլին 6,1 հազարի կեղծ դոլարային թղթադրամներ են վաճառել և դրա դիմաց ստացել 3050 դոլար, որից հետո նրանք ձերբակալվել են Պետական անվտանգության ծառայության հակակոռուպցիոն գործակալության աշխատակիցների կողմից։
Հետաքննությունը նաև պարզել է, որ հանցագործների կողմից վաճառված կեղծ դոլարային թղթադրամները բարձր որակի են. դիմանկարներն ու անվանական արժեքի մակագրություններն արվել են խորը մետաղաբանական կնքման մեթոդով և պատրաստվել տպագրության միջոցով։
Հարուցվել է քրեական գործ «Կեղծ փողերի կամ արժեթղթերի պատրաստում կամ իրացում» հոդվածով։ Ձերբակալվածներին սպառնում է ազատազրկում յոթից մինչև տասը տարի ժամկետով։
Հետաքննությունը վարում է Վրաստանի Պետական անվտանգության ծառայության հակակոռուպցիոն գործակալությունը։
