«ՔՊ-ն աշխատանքային ժամին Մարալիկում հավաք-երթ է անում». Գոռ Հովհաննիսյանն ահազանգում է
Շիրակի մարզի Անի համայնքում կիրակի օրը սպասվող ՏԻՄ ընտրություններից առաջ իրավիճակը թեժ է. լրատվամիջոցներն ու ֆեյսբուքյան օգտատերերը հայտնում են՝ իշխանությունն այս օրերին վարչական ռեսուրսներն ուղղել է իր թեկնածուի՝ համայնքապետի գործող ԺՊ Արման Սարիբեկյանի օգտին ձայներ հավաքելու համար:
Շիրակի մարզի բնակիչ Գոռ Հովհաննիսյանն, օրինակ, հայտնում է, որ «հրահանգ է տրված Անի շրջանի դպրոցների բոլոր աշխատողներին, նույնիսկ աշակերտներին, բուժաշխատողներին, ստիպողաբար բերեն ՔՊ քայլերթին»:
Ավելի ուշ՝ նա ֆեյբուքյան գրառմամբ նաև տեղեկացրեց, որ «աշխատանքային ժամին Մարալիկում ՔՊ-ն հավաք-երթ է անում, ու Շիրակավանի վարչական ղեկավար ոմն Վաչոն աշխատանքից դուրս հավաքի է մասնակցում»:
Գոռ Հովհաննիսյանը 168.am-ին է փոխանցել հավաք-երթի մասին տեղեկությունը հաստատող տեսանյութը:
