«Կմնանք էստեղ, փափուկ բարձ են դնում». տոնավաճառի աշխատակիցներ
«Մալաթիա» տոնավաճառի աշխատակիցներն այսօր բողոքի ակցիա էին կազմակերպել, քանի որ տեսչական մարմնի որոշմամբ այն այսօրվանից փակվելու է՝ արձանագրված խախտումների պատճառով:
Տոնավաճառի տնօրեն Սամվել Ավետիսյանը դիմելով աշխատակիցներին՝ ասաց, որ գնում են տեսչական մարմին՝ վերջնական որոշում կայացնելու:
«Վաղը առավոտյան 9:30 հավաքվեք այստեղ, մենք ամբողջը ձեզ կասենք: Այսօր մնալ, սպասել, մրսել: Մի՛ հիվանդացեք, չեմ ուզի, որ կանգնեք, սպասեք»,- ասաց Սամվել Ավետիսյանը:
Տոնավաճառի աշխատակիցները, սակայն, ասացին, որ կմնան:
«10 տարի դրսում ենք կանգնել, չենք մեռել: Կանգնենք, տեսնենք, թե ինչ է լինում: Ուղղակի մեր մտահոգությունն է, որ փափուկ բարձ չդնեն»,- ասացին աշխատակիցները:
«Տոնավաճառը մեր եկամուտի միակ աղբյուրն է, եթե փակվեց՝ մենք կամ պետք է գաղթենք… բայց սիրում ենք այս երկիրը, դրա համար պետք է պայքարենք, որ մեր սոցիալական հարցերը լուծենք: Բայց ես զարմանում եմ, որ մեկ տեսչական մարմին նման լիազորություն ունի՝ չի գալիս բացատրի այսքան մարդու: Սոցիալական հարցերը թողած՝ ասում են՝ անվտանգության հարցն է կարևոր»,- նշեց տոնավաճառի աշխատակիցներից մեկը:
